Bu ölkədə koronavirus sözü qadağan edildi

Dünyanın ən qapalı ölkələrindən biri olan Türkmənistanda “koronavirus” sözündən istifadə etmək və tibbi maska taxmaq qadağan edilib.

BAKU.WS “Habertürk”ə istinadən xəbər verir ki, hökumət koronavirus sözünün məktəblərdə, iş yerlərində, hətta sağlamlıqla bağlı məlumatlandırma broşürlərində istifadəsini qadağan edib.

Bundan başqa, küçədə bu pandemiya barədə danışanların və tibbi maska taxanların həbs ediləcəyi barədə də xəbərdarlıq edilib.

Qeyd edək ki, rəsmi məlumatlara əsasən, Türkmənistanda koronavirusa yoluxma hadisəsi qeydə alınmayıb.