Rusiyada məşhur şaxta baba pedofil çıxdı

Rusiyada Şaxta baba obrazı ilə məşhur olan şəxs pedofillikdə ittiham edilib.

Bu barədə "Mash" teleqram kanalı məlumat yayıb.

Məlumata görə, 54 yaşlı Vladimir Şişkanov 6 yaşlı qızcığazı zorlamaqda ittiham olunub.

Bildirilir ki, saxlanılan V.Şişkanov hər il velosiped sürərək Buqulma şəhərini gəzib, uşaqları sevindirib və onlara konfet paylayıb.

Şaxta baba kostyumunda uşaqları əyləndirən şəxs ilk dəfə uşaq pornosunu saxlamağa görə məhkum olunub. İndi isə o, yayda dostlarının mənzilində 6 yaşlı qızı zorlamaqda ittiham olunub.

Yerli İstintaq Komitəsinin məlumatına görə, Şişkanov uşağa qarşı zorakılıq etməklə yanaşı, prosesi videoya çəkib. Zərərçəkmiş bu barədə valideynlərinə danışıb və Şişkanov saxlanılıb.

Onun telefonunda azyaşlılarla yazışmalar və dostlarına göndərdiyi video aşkarlanıb. Axtarış zamanı onun evində uşaq corabları və alt paltarları tapılıb. O, zorlama və uşaq pornoqrafiyasının yayılmasına görə mühakimə olunacaq.