Dəhşətli təyyarə qəzasından öncə quş sürüsünün mühərrikə çırpılma anından GÖRÜNTÜLƏR

Cənubi Koreyanın Muan hava limanında qəzaya uğrayan "Boeing 737" təyyarəsinin mühərrikinə quşun dəyməsi anı videoya düşüb.

BAKU.WS xəbər verir ki, görüntüləri SHOT teleqram kanalı yayıb.

"Cənubi Koreyanın Muan hava limanında quşun "Boeing 737" təyyarəsinin mühərrikinə dəydiyi an", - deyə mənbə qeyd edib.

Bildirilib ki, eniş zamanı təyyarənin şassisi açılmayıb, nəticədə təyyarə uçuş-enmə zolağından çıxıb, hasara çırpılıb və partlayıb.

Jeju Air sərnişin təyyarəsi Taylandın paytaxtı Banqkokdan, Seuldan təxminən 288 kilometr aralıda Cənubi Jeolla əyalətindəki Muan Beynəlxalq Hava Limanına eniş edərkən qəzaya uğrayıb.

Xilasedicilər 179 nəfərin öldüyünü açıqlayıb. Qəzadan cəmi 2 nəfər sağ çıxıb. 85 nəfərin cəsədi aşkarlanıb. İtkin düşənlər isə ölmüş hesab olunur.