Deputat: “Haqlı etirazları vətəndaş-dövlət qarşıdurması kimi təqdim etdilər” - FOTO/VİDEO

“Azərbaycanda mövcud olan marginal qruplar Söyüdlü kəndindəki haqlı etirazları vətəndaş-dövlət qarşıdurması kimi təqdim etdilər”.

Bu sözləri Milli Məclisin bu gün keçirilən iclasında deputat Hikmət Babaoğlu deyib.

O bildirib ki, marginal qruplar Azərbaycanda demokratiyanın qarşısında duran ən güclü qruplaşmalardır.

Qeyd edək ki, bir müddət əvvəl Söyüdlü sakinləri kənddə yerləşən tullantıxana sahəsində vəziyyətlə bağlı etiraz aksiyası keçirib. Aksiya zamanı polislə vətəndaşlar arasında insident yaşanıb.