Dəm qazından boğularaq vəfat edən tələbə ölkə birincisi olubmuş - VİDEO

ADA Universitetinin dəm qazından boğularaq ölən 4-cü kurs tələbəsi Sərxan Həsənov 2020-ci ildə qəbul imtahanlarında 692.5 bal toplayaraq ölkə birincisi olubmuş.

BAKU.WS xəbər verir ki, o, Sumqayıt şəhəri Həzi Aslanov adına 22 nömrəli tam orta məktəbi qızıl medalla bitirib.

Respublika fənn olimpiadalarında Azərbaycan dili və Ədəbiyyat fənni üzrə 2-ci yeri tutaraq gümüş medala laiq görülüb.

Sərxan ADA Universitetində keçirilən açıq qapı günündə iştirak edib. O, oxuduğu müddətdə göstəriciləri yüksək olub. Gələcəkdə təhsilini xaricdə davam etdirmək istəyirdi.