Adil Əliyev kiçik bizneslə məşğul olanların vergidən azad edilməsini təklif edib - VİDEO

Millət vəkili Adil Əliyev kiçik bizneslə məşğul olan sahibkarların vergidən azad edilməsini təklif edib. BAKU.WS-in məlumatılna görə, millət vəkili bu barədə Milli Məclisdə Vergi Məcəlləsinin müzakirəsi zamanı fikir səsləndirib. Onun sözlərinə görə, manatın devalvasiyasından sonra parlamentdə təmsil etdiyi Nərimanov rayonunda kiçik bizneslə məşğul olan əksər dükan sahibləri müflis olub. “Sahəsi 5 kvadratdan 100 kvadrat metrədək olan dükanların demək olar ki, əksəriyyəti bağlıdır. Bu insanlarin çoxu kiçik bizneslə məşğul olmaq üçün banklardan kredit götürüblər. Mən təklif edərdim ki, həmin ərazidə manitorinq aparılsın və bağlı qalan dükanların sahiblərinə 1-2 illik vergi amnistiyası təbiq olunsun. Onlar müəyyən olunan müddət ərzində vergidən azad edilsinlər və bu amnistiyanın hesabına banklara olan borclarını bağlasınlar”, - deyə millət vəkili əlavə edib. Zülfüqar BAKU.WS