Vadjidən "Qarabağa" vida mesajı - FOTO

"Qarabağ"dan "Sent-Etyen" klubuna transfer olan seneqallı futbolçu İbrahima Vadji komanda ilə vidalaşıb.

BAKU.WS xəbər verir ki, 27 yaşlı hücumçu bu barədə instaqram hesabında paylaşım edib.

"Bütün "Qarabağ" ailəsinə, klubda çalışanlara, əziz qardaşlarıma və klubun bütün azarkeşlərinə salam. Bu, vida mesajıdır. Təəssüf ki, bunu ölkədə olmadığım üçün sizə şəxsən deyə bilmirəm. Amma bilin ki, özümlə, kollektiv emosiyalarını və çoxlu gözəl anlar aparıram. Tez bitsə də bu, insani və peşəkarcasına böyük bir macəra idi. Qalanlara uğurlar, hər şey üçün təşəkkür edirəm!" - deyə Vadji yazıb.