UEFA Çempionlar Liqasında bu gün III turun həyəcanı başlayır

Bu gün UEFA Çempionlar Liqasının Liqa mərhələsində III turun oyunlarına start veriləcək.

BAKU.WS xəbər verir ki, ilk oyun günündə azarkeşləri 9 maraqlı qarşılaşma gözləyir. Günün ən çox gözlənilən oyunlarından biri Londonda baş tutacaq – "Arsenal" doğma meydanda "Atletiko"nu qəbul edəcək. "Barselona" isə "Olimpiakos"u məğlub etməyə çalışacaq.

Azərbaycan təmsilçisi "Qarabağ"ın qrupdakı rəqiblərindən "Napoli" səfərdə PSV ilə üz-üzə gələcək. Günün digər maraqlı oyunlarında PSJ Almaniyada "Bayer 04"lə, "Mançester Siti" isə İspaniyada "Vilyarreal"la qarşılaşacaq.

Turnirin bu günkü oyun cədvəli belədir:

UEFA Çempionlar Liqası – Liqa mərhələsi, III tur (21 oktyabr)
20:45 – "Barselona" (İspaniya) – "Olimpiakos" (Yunanıstan)
20:45 – "Kayrat" (Qazaxıstan) – "Pafos" (Kipr)
23:00 – "Arsenal" (İngiltərə) – "Atletiko" (İspaniya)
23:00 – "Bayer 04" (Almaniya) – PSJ (Fransa)
23:00 – "Vilyarreal" (İspaniya) – "Mançester Siti" (İngiltərə)
23:00 – PSV (Niderland) – "Napoli" (İtaliya)
23:00 – "Kopenhagen" (Danimarka) – "Borussiya Dortmund" (Almaniya)
23:00 – "Yunion" (Belçika) – "İnter" (İtaliya)
23:00 – "Nyukasl" (İngiltərə) – "Benfika" (Portuqaliya)