Türkiyədə derbidən sonra jurnalist döyüldü - Araşdırılacaq

Ötən gecə baş tutan "Qalatasaray" - "Beşiktaş" matçından sonra idman müxbiri Əmrə Kaplan fiziki hücuma məruz qalıb.

BAKU.WS xəbər verir ki, Türkiyənin ədliyyə naziri Yılmaz Tunç hadisə ilə bağlı İstanbul Respublika Baş Prokurorluğu tərəfindən istintaq başladıldığını açıqlayıb.

Tunç "Qalatasaray" - "Beşiktaş" matçından sonra fiziki hücuma məruz qalan "A Spor"un müxbiri Əmrə Kaplana sağalmaq diləyib.

"İdmanın şiddətlə gündəmə gətirilməsi qəbuledilməzdir. Hər cür şiddəti qınayıram və ümid edirəm ki, bir daha belə hadisələr yaşanmayacaq", - deyə o, paylaşımında qeyd edib.