Tokio-2020: Çin liderliyi ələ aldı - SİYAHI

Tokio-2020 Yay Olimpiya Oyunlarında bu gün 7 növ üzrə 11 dəst medal sahibini tapıb.

BAKU.WS “Report”a istinadən xəbər verir ki, medal yarışları kamandan oxatma, şose velosipedi, qılıncoynatma, cüdo, atıcılıq, taekvondo və ağırlıqqaldırma növlərini əhatə edib. Fəxri kürsüyə 28 ölkənin təmsilçiləri qalxıb.

Çin 3 qızıl, 1 gümüş və 4 bürünc medalla həm kəmiyyət, həm də keyfiyyətcə birinci pillədə qərarlaşıb. İtaliya və Yaponiya medal əyarında hərəyə 1 qızıl və 1 gümüş medalla sonrakı iki yeri tutsa da, medal sayında üçüncü olub.

Medal sayında 2-ci yeri isə 1 qızıl və 2 bürünc medala malik Cənubi Koreya tutub.