"Sportinq" - "Beşiktaş" oyunundan öncə dava düşdü: Türk azarkeşlər döyüldü - VİDEO

UEFA Çempionlar Liqasının IV turu çərçivəsində "Beşiktaş" Portuqaliyada "Sportinq"lə qarşılaşıb.

BAKU.WS İHA-ya istinadən xəbər verir ki, matçdan əvvəl İstanbul təmsilçisinin azarkeşləri ilə yerli fanatlar arasında insident yaşanıb.

Lissabonda baş verən insident zamanı 3 türkiyəli azarkeş xəsarət alıb.

Yerli mətbuatın yazdığına görə, hadisə bir qrup “Sportinq” azarkeşinin “Beşiktaş” azarkeşlərini söyməsi ilə başlayıb. Portuqallar daha sonra məşəl, dəyənək və dəmir borularla türk tərəfdarlarına hücum edib.

Qeyd edək ki, qarşılaşma yerli klubun 4:0 hesablı qələbəsi ilə başa çatıb.