Sabiq "Fənərbağça"lıdan Osimhenə çağırış: Bizimlə tarix yaz, "Fənərbağça" Nigeriyadır

"Fənərbağça"nın sabiq futbolçusu Emmanuel Emenike "Qalatasaray"a transfer olunacağı bildirilən nigeriyalı futbolçu Viktor Osimhenə çağırış edib.

BAKU.WS xəbər verir ki, o, bu barədə sosial şəbəkə hesabında məlumat yayıb.

Emmanuel Emenike paylaşımında bu sözlər yer alıb:

"Victor Osimhen "Fənərbağça" Nigeriyadır. Bizimlə tarix yazın. Ən böyük baş məşqçi Joze Mourinyonun rəhbərliyi altında çalışmaqdan xoşbəxt olacaqsınız. "Fənərbağça" bir addım atsın".

Fənərbaxçalı azarkeşlər Emenikenin paylaşımını bəyənib və şərh yazıblar.

Xatırladaq ki, "Qalatasaray" "Napoli"nin dünyaca məşhur ulduzu Viktor Osimhenlə anlaşıb. Futbolçu bu gecə İstanbula gəlib.