Rəsul Çunayev rusiyalı güləşçinin kürəyini yerə vurdu, amma... (YENİLƏNİB)

İran İslam Respublikasının Abadan şəhərində yunan-Roma güləşi üzrə böyüklər arasında Dünya Kuboku yarışları keçirilir. 

BAKU.WS-in məlumatına görə, yığma komandamız Türkiyə, Belarus və Ukrayna idmançıları ilə B yarımqrupunda mübarizə aparır. Qrupda keçirilən görüşlərdə güləşçilərimiz ardıcıl olaraq Türkiyə, Belarus və Ukrayna yığmaları üzərində 5:3 hesablı qələbə qazanıb və qrup birincisi kimi finala yüksəlib. 

Finalda güləşçilərimiz digər yarımqrupun birincisi Rusiya yığma komandası ilə qarşılaşır. Qarşılaşma Bakı vaxtilə saat 18:30-da başlayıb. İdmançımız Rəsul Çunayev bütün görüşlərdə qalib gəlib. O, finalda 71 kq çəki dərəcəsində Rusiya idmançısı Abuyazid Mantsiqovla qarşılaşıb. 1-2 hesabı ilə rusiyalə pəhləvanın kürəyini yerə vuran Çunayev tatamidən qələbə ilə ayrılıb. Xal hesabında isə Rusiya komandası üstün olub - 5:3. 

Beləliklə Azərbaycan yarışları ikinci yerdə başa vurub. Üçüncü yeri isə İran komandası tutub.

Rusiya - AZƏRBAYCAN 5:3

59 kq - Minqiyan Semyonov - Taleh Məmmədov 9:2

66 kq - Artem Surkov - Nofəl Babayev 8:0

71 kq - Abuyazid Mantsiqov - Rəsul Çunayev 1:2

75 kq - Roman Vlasov - Elvin Mürsəliyev 2:1

80 kq - Adlan Akiev - Rafiq Hüseynov 1:1*

85 kq - Davit Çakvetadze - İslam Abbasov 1*:1

98 kq - Maksim Safarian - Orxan Nuriyev 0:3

130 kq - Sergey Semenov - Sabah Şəriəti 1*:1

Yekun nəticə

1. Rusiya

2. AZƏRBAYCAN

3. İran 

4. Türkiyə

5. Almaniya

6. Ukrayna

7. Qazaxstan

8. Belarus

BAKU.WS