Ronaldo dayanmaq bilmir - 942-ci qolunu vurdu

Kriştianu Ronaldu peşəkar karyerasında 942-ci qolunu rəsmiləşdirib.

BAKU.WS xəbər verir ki, Səudiyyə Ərəbistanının "Əl-Nasr" klubunun hücumçusu və Portuqaliya millisinin kapitanı bu uğura dünya çempionatının 2026-cı il üçün seçmə mərhələsində Ermənistan yığmasına qarşı oyunda imza atıb.

40 yaşlı forvard İrəvanda keçirilən görüşdə iki dəfə fərqlənib və komandası böyükhesablı – 5:0 qələbə qazanıb.

Ronaldu indiyədək "Real Madrid"in heyətində 450, "Mançester Yunayted"də 145, "Yuventus"da 101, "Əl-Nasr"da isə 101 qol vurub. Onun digər qolları isə karyerasına başladığı Lissabon "Sportinq"ində və milli komandanın heyətində qeydə alınıb.