"Real Madrid" "Zenit"in futbolçusu ilə maraqlanır

Sankt-Peterburqun "Zenit" klubunun müdafiəçisi Nurali Alip Madrid "Real"ının futbolçusu ola bilər.

BAKU.WS-in xəbərinə görə, bu barədə "Tengri Sport" məlumat yayıb.

"Real Madrid"in baş skautu Juni Calafat Alipin transferi ilə maraqlanır.

Qeyd edək ki, Rusiya Premyer Liqasının cari mövsümündə Alip 16 matçda iştirak edib, heç bir qol vurmayıb.

Alip 2023-cü ilin yanvarından "Zenit"də çıxış edir. Onun Sankt-Peterburq klubu ilə müqaviləsi 2025-ci ilin yayına kimi nəzərdə tutulub. Futbolçu bundan əvvəl Qazaxıstanın "Kayrat" klubunda çıxış edib.

"Transfermarkt" portalı müdafiəçi 2 milyon avro qiymətləndirir.