"Real Madrid"in ulduzu karyerasını Səudiyyə Ərəbistanında davam etdirmək istəyir

"Real Madrid"in futbolçusu Vinisius Junior karyerasını Səudiyyə Ərəbistanında davam etdirmək istəyir.

BAKU.WS xəbər verir ki, bu barədə jurnalist Romain Molina sosial şəbəkələrdə məlumat verib.

Forvard və ətrafı son aylarda onlara təklif olunan məbləğlərlə maraqlanır. "Real Madrid" futbolçunu satmağa razı olsa, futbol tarixində ən böyük məbləğini qazanacaq.

Bu mövsüm Vinisius 18 oyun keçirib, 12 qol vurub və 8 məhsuldar ötürmə edib. Onun "Real"la müqaviləsi 2027-ci ilin yayına qədərdir.

Noyabrın 1-də futbolçunun "Real Madrid"dən ayrılmağı düşündüyü bildirilirib.