"Qarabağ" Juninyonu satıb nə qədər qazanacaq? - "Marca" nəşri açıqladı

İspaniyanın "Sevilya" klubu qış transfer pəncərəsində heyətini "Qarabağ"ın futbolçusu Olavio Juninyo ilə gücləndirmək niyyətindədir.

BAKU.WS xəbər verir ki, bu barədə "Marca" nəşri məlumat yayıb.

Bildirilib ki, Viktor Ortanın rəhbərlik etdiyi İdman Direktorluğu artıq Azərbaycan Premyer Liqasının liderinə bir neçə təklif təqdim edib. Və heç biri Azərbaycan komandasının gözləntilərini tam olaraq doğrultmasa da, hər şey onu göstərir ki, transfer bonuslar da daxil olmaqla təxminən 4 milyon avroya başa çatdırıla bilər.

La Liqa klubu braziliyalı forvardla 2028-ci ilin sonuna qədər müqavilə imzalayacaq.