"Neftçi" "Sabah"a qalib gələ bilmir "Qalatasaray"a necə qalib gələcək? - Deputat

Bu gün UEFA Avropa Liqasının II təsnifat mərhələsində "Neftçi" klubu Türkiyənin "Qalatasaray" komandası ilə qarşılaşacaq.

BAKU.WS-in müxbiri oyundan öncə millət vəkili Aqil Abbasa qarşılaşmanın nəticəsi barədə sual ünvanlayıb.

Deputat bildirib ki, "Neftçinin mərhələ adlayacağına inanmır: "Allah "Neftçi"yə uğurlar nəsib eləsin. Amma inanmıram ki, "Qalatasaray"a qalib gəlsinlər. İstanbul klubu "Neftçi"ni o qədər saymır ki, 9 əsas oyunçusunu gətirib.

"Neftçi"yə istənilən halda uğurlar arzu edirəm, amma qalib gələcəyinə inanmıram. "Neftçi" "Sabah", "Keşlə" və "Zirə"yə qalib gələ bilmir, "Qalatasaray"a necə qalib gələcək?"

Sentyabrın 17-də Bakı Olimpiya Stadionunda keçiriləcək "Neftçi" - "Qalatasaray" matçı saat 20:00-da start götürəcək.