Mbappe Fransa millisinin məşqçilər korpusunu tənqid edib

Kilian Mbappe Didye Deşamın rəhbərlik etdiyi Fransa millisinin məşqçilər korpusunu tənqid edib.

BAKU.WS xəbər verir ki, bu barədə Fransanın "LEquipe" nəşri yazıb.

Sentyabrda Fransa millisi Millətlər Liqasında iki oyun keçirib. İtaliya yığmasına 1:3 hesabı ilə məğlub olub və Belçika millisindən 2:0 hesabı ilə üstün olub.

Mbappe sonunçu matçdan sonra soyunub-geyinmə otağında komandanın kapitanı kimi çıxış edərək millinin taktiki hazırlığının olmadığına görə Deşamın işini tənqid edib.

Eyni zamanda, Mbappe ötən matçlarda qol vura bilməyib.

Qeyd edək ki, sentyabrın 4-də Mbappe "Qızıl top"a namizədlər siyahısına daxil edilib.