“Grand Chess Tour”: Şəhriyar Məmmədyarovun qazancı bəlli olub - FOTO

Azərbaycanlı şahmatçı Şəhriyar Məmmədyarovun ABŞ-ın Sent-Luis şəhərində keçirilmiş “Grand Chess Tour”un IV mərhələsindən qazancı açıqlanıb.

BAKU.WS xəbər verir ki, bu barədə yarışın rəsmi tviter hesabında paylaşım edilib.

Turniri 6-cı sırada bitirən 37 yaşlı qrossmeyster 11 min ABŞ dollarına sahib çıxıb.

Məmmədyarov “Grand Chess Tour”un ümumi sıralamasında 10 xalla səkkizincidir. Təcrübəli şahmatçı ümumilikdə bu yarışdan 32,250 dollar əldə edib.

Qeyd edək ki, “Grand Chess Tour”un V mərhələsi olan “Sinquefield Cup” 1-13 sentyabrda Sent-Luisdə gerçəkləşəcək.

Check the final standings of #STLRapidBlitz and #grandchesstour standings after the end of the tournament in St Louis.#stlchessclub #chess pic.twitter.com/bNXJ8Rd6MW

— Grand Chess Tour (@GrandChessTour) August 30, 2022