Futbol üzrə Azərbaycan Premyer Liqasında IV dövrə: "Turan Tovuz" lider "Qarabağ"ı qəbul edəcək

Futbol üzrə Azərbaycan Premyer Liqasında IV dövrəyə bu gün start veriləcək.

Teleqraf xəbər verir ki, XXVIII turun ilk oyun günündə bir qarşılaşma baş tutacaq.

Tovuzda yerli "Turan Tovuz" lider "Qarabağ"ı qəbul edəcək. Ağdam təmsilçiləri cari mövsümdə "Turan Tovuz"a qarşı uğursuz görüşlər keçirib. "Qarabağ" tovuzlularla keçirdiyi 3 matçda cəmi 1 xal qazanıb. Qurban Qurbanovun yetirmələri "Turan Tovuz"a hər iki ev görüşündə məğlub olub.

Rəqiblərini xeyli qabaqlayan "Qarabağ" 64 xalla vahid liderdir. Avrokuboklara vəsiqə uğrunda mübarizə aparan "Turan Tovuz" 43 xalla 4-cü pillədə qərarlaşıb.

Qeyd edək ki, turun digər oyunları martın 29-30-da keçiriləcək.

28 mart (cümə)

19:30 "Turan Tovuz" – "Qarabağ"

Hakimlər: Cavid Cəlilov, Müslüm Əliyev, Eyyub İbrahimov, Əli Əliyev

VAR: Rauf Allahverdiyev

AVAR: Kamran Bayramov

Hakim-inspektor: Vüsal Əliyev

AFFA nümayəndəsi: Elman Musayev

Tovuz şəhər stadionu