Dünya çempionu A Seriyası klubunun baş məşqçisi postundan qovulub

İtaliya millisinin heyətində dünya çempionu olan Alessandro Nesta A Seriyası təmsilçisi "Montsa"nın baş məşqçisi vəzifəsindən qovulub.

"Report" klubun mətbuat xidmətinə istinadən xəbər verir ki, 48 yaşlı mütəxəssis komandanın uğursuz çıxışına görə işindən kənarlaşdırılıb.

A.Nesta cari mövsümün əvvəlindən "Montsa"ya rəhbərlik edirdi. Onun baş məşqçisi olduğu kollektiv bu mövsüm 17 görüşdə 7 heç-heçə edib, 9 görüşdə məğlub olub. Komanda cəmi 1 matçda qələbə qazana bilib.

Qeyd edək ki, "Montsa" A Seriyasında turnir cədvəlinin sonuncu pilləsində qərarlaşıb.