Bəhlul Mustafazadə Çin klubuna keçir? - Açıqlama

Çempionlar Liqasının əsas mərhələsinin 7-ci turunda "Ayntraxt"la (3:2) matçda qələbə qolunu vuran "Qarabağ"ın futbolçusu Bəhlul Mustafazadə klubdan ayrıla bilər.

BAKU.WS qafqazinfo-ya istinadən xəbər verir ki, müdafiəçinin Çin klubundan təklif aldığı barədə xəbərlər səngimək bilmir.

Hətta futbolçunun özünün asiyalılarla anlaşdığı deyilir. Keçid üçün isə yalnız klubun razılığı qalıb.

"Qarabağ"ın baş direktoru Əmrah Çəlikəl açıqlamasında bu məlumatı təkzib etməyib: "Bəli, bəzi futbolçularımıza təkliflər var. Onların içində israrla oyunçularımızı istəyənlər də olub. Lakin hələlik biz "Liverpul"la oyuna köklənmişik. Yalnız bundan sonra məsələ barədə danışa bilərik. İstəmirik ki, futbolçularımızın oyunqabağı fikri yayınsın".

Görünən odur ki, adı bəlli olmayan Çin klubu Bəhlulun transferində israrlıdır.