Azərbaycanın U-21 millisi yoldaşlıq görüşündə Bəhreyni məğlub edib

Azərbaycanın 21 yaşadək futbolçulardan ibarət millisi Türkiyədəki təlim-məşq toplanışı çərçivəsində bu gün yoldaşlıq matçında qüvvəsini sınayıb.

BAKU.WS "Report"a istinadən xəbər verir ki, Rəşad Eyubovun baş məşqçisi olduğu kollektiv Bəhreynlə qarşılaşıb.

Görüş Azərbaycanın 3:0 hesablı qələbəsi ilə başa çatıb.

Qeyd edək ki, U-21 növbəti yoldaşlıq matçını Qırğızıstan millisinə qarşı keçirəcək. Bu oyun iyunun 9-da baş tutacaq.