Azərbaycanın daha bir boksçusu Avropa çempionatında 1/4 finala çıxdı

Azərbaycan boksçusu Cəlal Qurbanov Xorvatiyanın Poreç şəhərindəki U-22 Avropa çempionatında ikinci döyüşünü keçirib.

BAKU.WS federasiyanın yaydığı məlumata istinadən xəbər verir ki, 63,5 kq çəki dərəcəsində yer alan idmançı 1/16 finalda finlandiyalı Yere Niemelainenə qalib gəlmiş idmançı bu dəfə sloveniyalı Nik Nikolovla qarşılaşıb.

Rəqibini 3:0 (29:27, 29:27, 28:28, 29:27, 28:28) hesabı ilə məğlub edən Qurbanov 1/4 finala adlayıb. Boksçunun bu mərhələdəki rəqibi ukraynalı İqor Kovtun olacaq. Döyüş martın 19-da baş tutacaq.

Həmin gün yarımfinal uğrunda millinin daha 4 boksçusu - Nicat Hüseynov (51 kq), Ruslan Qədirov (54 kq), Maqsud Xasmetov (57 kq) və Nəbi İsgəndərov (67 kq) da rinqə çıxacaq.

Qeyd edək ki, Avropa çempionatında final döyüşləri martın 23-də keçiriləcək.