Azərbaycan karateçisi Türkiyədə keçirilən beynəlxalq turnirdə qızıl medal qazanıb

Azərbaycan karateçisi Çingiz Abbasov Türkiyənin İstanbul şəhərində keçirilən "Uluslararası Marmara Cup Turnuvası" beynəlxalq yarışında qızıl medal qazanıb.

BAKU.WS xəbər verir ki, 22 kq çəki dərəcəsində (6-7 yaş kateqoriyası) mübarizə aparan təmsilçimiz həlledici mərhələdə yerli idmançıya qalib gəlib.

Qeyd edək ki, 28 ölkədən 1837 karateçinin iştirak etdiyi turnirdə Azərbaycanı 67 idmançı təmsil edir. Uşaqlar, gənclər yeniyetmələr və böyüklər arasında baş tutan yarışa avqustun 24-də yekun vurulacaq.