Avropa Liqası: "Qarabağ"ın 2 səfər oyunu İctimai TV-də yayımlanacaq

İctimai Televiziyanın efirində avrokubok həyəcanı davam edir.

BAKU.WS xəbər verir ki, növbəti həftə daha 3 oyun futbol həvəskarlarına təqdim olunacaq.

Ölkəmizi UEFA Avropa Liqasında təmsil edən "Qarabağ"ın Liqa mərhələsinin 4-cü turundakı qarşılaşması da bu sırada olacaq.

Noyabrın 7-si saat 21:45-də Ağdam təmsilçisinin Norveçdə "Budo Qlimt" klubu ilə görüşü telekanalımızın canlı efirində yayımlanacaq.

Qeyd edək ki, "Qarabağ"ın Yunanıstanın "Olimpiakos" klubuna qarşı mərhələnin son matçının da yayım hüququ İctimai Televiziyaya məxsusdur.