AVRO-2020: İspaniya yarımfinalda - VİDEO/ YENİLƏNİB

İsveçrənin ardıcıl ikinci matçda penaltilərlə daha bir dünya çempionunu məğlub etməsi mümkün olmadı.

BAKU.WS "Oxu.Az"a istinadən xəbər verir ki, qapıçıların daha yaxşı çıxış etdiyi penaltilər seriyasında İspaniya 3:1 qalib gəldi. Bununla da İsveçrə evə gedəcək. İspaniya isə iyulun 6-da Belçika – İtaliya cütünün qalibi ilə qarşılaşacaq.

***

22:18

İsveçrə-İspaniya oyununda 90 dəqiqə 1:1 hesabı ilə başa çatdığından, əlavə 30 dəqiqə oynanılmağa başlanıb.

İsveçrənin bərabərlik qolunun məhsuldar ötürməsini vermiş Remo Froyley 77-ci dəqiqədə qırmızı vərəqə aldı. İndi İsveçrə 10 nəfərlə mübarizə aparmalı olacaq.

***

20:15

AVRO-2020-nin 1/4 final mərhələsinin ilk oyunu olan İsveçrə – İspaniya matçı start götürdü.

İspaniya millisi 8-ci dəqiqədə hesabı açdı. Müdafiəçi Xordi Alba hesabı açan futbolçudur.

İsveçrə (3-4-2-1): Zomer, Rodriqes, Akanji, Elvedi, Suber, Froyler, Zakariya, Vidmer, Embolo, Şakiri (kapitan), Seferoviç

İspaniya (4-3-3): Unai Simon, Xordi Alba, Pau Tores, Laport, Aspilikueta, Pedri, Serxio Buskets (kapitan), Koke, Sarabiya, Morata, Feran Tores