“Ludoqorets”–“Espanyol” oyununu azərbaycanlı hakimlər briqadası idarə edəcək

UEFA Avropa Liqasının qrup mərhələsi çərçivəsində keçiriləcək “Ludoqorets” (Bolqarıstan) – “Espanyol” (İspaniya) qarşılaşmasının baş hakimi Əliyar Ağayev olacaq.BAKU.WS AFFA-ya istinadən xəbər verir ki, Ə.Ağayevə Zeynal Zeynalov və Akif Əmrəli kömək edəcəklər. Dördüncü hakim funksiyasını Orxan Məmmədov yerinə yetirəcək.“Ludoqorets”–“Espanyol” futbol oyunu oktyabrın 24-də Bolqarıstanda keçiriləcək.Qeyd edək ki, "Ludoqorets" H qrupuna 6 xalla liderlik edir. "Espanyol" isə 4 xalla ikincidir.