Güləşçilərimizdən çağırış: Prezident seçkilərində cənab İlham Əliyevə səs verək - VİDEO
![Güləşçilərimizdən çağırış: Prezident seçkilərində cənab İlham Əliyevə səs verək - VİDEO](https://baku.ws/storage/photos/thumbs/large/1521441178_29433293_1439750402803875_7471996601041420288_n.webp)
19
mar
2018
10:33
11 aprel 2018-ci il tarixdə ölkəmizdə növbəti prezident seçkiləri keçiriləcək. Azərbaycan Güləş Federasiyasında yığma komandaların məşqçi və idmançılarının iştirakı ilə seçki öncəsi toplantı keçirilib. BAKU.WS xəbər verir ki, AGF-nin 1-ci vitse-prezidenti Firdovsi Umudovun rəhbərliyi ilə keçirilən görüş zamanı Olimpiya, Dünya, Avropa Çempionları və eləcə də gənc güləşçilər prezident seçkilərində Yeni Azərbaycan Partiyasının namizədi cənab İlham Əliyevi dəstəkləyəcəklərini qeyd ediblər. Görüş iştirakçıları ölkə rəhbərliyi tərəfindən idmana göstərilən diqqət və qayğıdan söz açıblar. Bildirilib ki, Azərbaycanın sürətli, dinamik inkişafı bütün digər sahələrdə olduğu kimi idman sahəsində də özünü göstərib. Ümummilli lider Heydər Əliyevin memarı olduğu Azərbaycanın daxili və xarici siyasətini layiqincə davam etdirən Prezident İlham Əliyevin xüsusi diqqət və qayğısı sayəsində ölkəmiz beynəlxalq aləmdə həm də idman ölkəsi imicini qazanıb. Dövlət başçısının xüsusilə güləş idman növünə göstərdiyi diqqət və qayğının nəticəsində Azərbaycan güləşçiləri mötəbər beynəlxalq yarışlarda Dünya və Avropa çempionatlarında, Olimpiya Oyunlarında daima ən yüksək pillələrdə qərarlaşır, bayrağımızı yüksəldir, himnimizi səsləndirirlər. AGF-nin 1-ci vitse prezidenti Firdovsi Umudov və çempionlarımız hər zaman Ali Baş Komandanın əmri ilə döyüşə hazır olduqlarını xüsusi vurğulayıblar. Firdovsi Umudov bildirib ki, ölkəmizdə xalqla iqtidar arasında sarsılmaz və əbədi birlik mövcuddur. Məhz bu birliyin sayəsində Azərbaycana qarşı qarayaxma kampaniyası aparan bütün qüvvələr daima məğlubiyyətə düçar olublar və bundan sonra da onlar öz çirkin niyyətlərinə çata bilməyəcəklər.Sonda güləşçilərimiz aprelin 11-də keçiriləcək prezident seçkilərində fəal iştirak edəcəklərini, İlham Əliyevin namizədliyini dəstəkləyəcəklərini bildiriblər. Bu məqsədlə Azərbaycan Güləş Federasiyası tərəfindən məşhur güləşçilərimizin iştirakı ilə hazırlanan videocarxda bütün idman ictimaiyyətini və xalqımızı prezident seçkilərində İlham Əliyevə səs verməyə səsləyən çağırışlar yer alıb.BAKU.WS
Oxşar xəbərlər
İlham Əliyev üçün imzatoplama başladı
Yeni Azərbaycan Partiyası tərəfindən Azərbaycan Respublikasının Prezidentliyinə namizədliyi irəli sürülmüş İlham Əliyevin Azərbaycan Respublikası Prezidentliyin...