055 213 76 73
Xorvatiyanın "Dinamo" (Zaqreb) klubunda çıxış edən Azərbaycan millisinin futbolçusu Mahir Emreli yenidən sıradan çıxıb.
BAKU.WS “Report”a istinadən xəbər verir ki, 25 yaşlı hücumçu evdə "İstra 1961" 4:1 hesabı ilə məğlub etdikləri ölkə çempionatının III tur matçından sonra əvvəlki zədəsini yeniləyib. Belində ağrılar hiss edən forvard Bolqarıstanda "Lüdoqorets"lə oynanılacaq UEFA Çempionlar Liqasının III təsnifat mərhələsinin ilk görüşünü buraxacaq. Onun yaşıl meydanlardan hansı müddətə kənarda qalacağı müayinələrdən sonra bəlli olacaq.
Emreli ilə yanaşı, Teofil Katrin də sözügedən qarşılaşmada meydana çıxa bilməyəcək. Bruno Petkoviçin oynayıb-oynamayacağı isə sual altındadır.
"Lüdoqorets" - "Dinamo" oyunu avqustun 2-də gerçəkləşəcək.
Qeyd edək ki, zədədən yenicə qayıdan Mahir Emreli "İstra 1961"lə matçın 81-ci dəqiqəsində meydana çıxıb və 7 dəqiqə sonra fərqlənərək, görüşdə son nöqtəni qoyub.