Yeni TV kanalın açılması üçün müsabiqəyə sənəd qəbulu başa çatdı
İyulun 7-də ixtisaslaşmış (təhsil və elmi-maarifləndirici) ümumrespublika televiziya kanalının açılması üçün (Bakı şəhəri və Abşeron yarımadası ərazisində SD yayım üçün 48-ci TV kanalı, HD yayım üçün 34-cü TV yayım kanalı) 7 iyun 2021-ci il tarixdən 07 iyul 2021-ci il tarixədək Milli Televiziya və Radio Şurasının elan etdiyi müsabiqə üçün sənəd qəbulu başa çatıb.
MTRŞ-dan BAKU.WS-ə verilən məlumata görə, müsabiqə çərçivəsində 6 iddiaçı şuraya sənədlərini təqdim edib.
"APA Mark" MMC;
"Təhsil TV" MMC;
"Balans Studiyası" MMC;
"İNS ÇM" MMC;
"İsti Press" MMC
"Medical Media" MMC
"Televiziya və radio yayımı haqqında" Azərbaycan Respublikasının Qanunun 19.1-ci maddəsinə əsasən, Milli Televiziya və Radio Şurası müsabiqəyə sənəd qəbulunun başa çatmasından sonrakı 30 gün ərzində iddiaçıların sənədlərini araşdırıb müsabiqənin nəticələri barədə qərar qəbul etməlidir.
Oxşar xəbərlər
Azərbaycanda yeni TV kanalın açılması ilə bağlı MÜSABİQƏ
Mayın 31-də Milli Televiziya və Radio Şurasının iclası keçirilib. Qurumdan BAKU.WS-ə verilən məlumata görə, iclasda televiziya və radio yayımı sahəsində mövcud...