“YAŞAT” Fondu şəhid ailələri və qazilərə 63 milyon manatdan çox vəsait xərcləyib

Azərbaycanın ərazi bütövlüyünün müdafiəsi ilə əlaqədar yaralananların və şəhid ailələrinin təminatına dəstək fonduna (“YAŞAT” Fondu) daxil olan vəsaitin məbləği açıqlanıb.

BAKU.WS "report"a istinadən xəbər verir ki, indiyədək fondda 74 147 333,6 manat toplanıb.

Həmin vəsaitdən 23 492 742,53 manatı fiziki şəxslər, 50 654 591,07 manatı isə hüquqi şəxslər tərəfindən ödənilib.

Fonda daxil olan vəsaitin 63 113 952,8 manatı xərclənib.

Vəsaitin hazırkı qalığı isə 11 033 380,8 manatdır.