Tələbkar, təmizkar, romantik, cəlbedici... - Bürclər qayınana olarsa...

Bürclərə görə qayınana tipi əylənəcli və qeyri-rəsmi şəkildə xarakterizə olunur. Bu hər bir insan üçün fərdidir.

BAKU.WS xəbər verir ki, bu dəfə astroloqlar bürclərin qayınana tipini açıqlayıblar. Gəlin görək bürclər qayınana olanda necə olur? 

Qoç qaynana tipi: Lider ruhlu, müdaxiləçi, enerjili Qoç qaynana bir az sərt və idarəçi ola bilər. O, hər şeyin necə olmalı olduğunu bilir və gəlinin "düzgün" davranmasını istəyir. Amma eyni zamanda çox enerjili, aktiv və səmimidir.

Buğa qaynana tipi: Ənənəçi, sabit, "mənim evim, mənim qaydalarım" Buğa qaynana qaydalara riayət edilməsini istəyər. Evin təmizliyi, süfrənin zənginliyi və hörmət onun üçün önəmlidir. Amma səbirli və mehribandır.

Əkizlər qaynana tipi: Danışqan, dəyişkən, maraqlı Əkizlər qaynana ilə söhbət heç vaxt bitməz. O, hər şeyə maraq göstərər, bir gün çox yaxşı olar, digər günlər bir az qəribə davranar. Amma onunla darıxmaq olmaz.

Xərçəng qaynana tipi: Qayğıkeş, emosional, qoruyucu Xərçəng qaynana ailəsini çox sevər, oğlu onun üçün dünyadır. Gəlini əvvəlcə sınayacaq, amma sevsə, bir ana kimi davranar. Yeməyi bol, sevgisi dərin olar.

Şir qaynana tipi: Tələbkar, cəlbedici, diqqət istəyən Şir qaynana parıldamağı sevir. O, hörmət və diqqət gözləyər. Əgər gəlini onun "kraliça" olduğunu qəbul edərsə, münasibət əla olar.

Qız Qaynana tipi: Təmizkar, tənqidçi, mükəmməlliyyətçi Qız qaynana hər şeyi təhlil edər: yemək necədir, ev təmizdirmi, nə geyinmisiniz? Amma niyyəti pis deyil – sadəcə hər şeyin ən yaxşısını istəyir.

Tərəzi qaynana tipi: Zövqlü, ədalətli, sosial Tərəzi qaynana çox zərif və zövqlüdür. Gəlin-görüş məsələlərində balans saxlayar. Onun üçün harmoniya və gözəllik əsasdır. Konfliktdən qaçar.

Əqrəb qaynana tipi: Güclü, gizli nəzarətçi, qoruyucu Əqrəb qaynana səssiz gücə sahibdir. O, hiss edir, analiz edir və heç nəyi unutmur. Gəlinə dərinləşən münasibət qurur – ya çox sevər, ya da uzaq durar.

Oxatan qaynana tipi: Azad ruhlu, dostcanlı, bir az sərbəst Oxatan qaynana ilə həyat maraqlıdır. O, gəlininə dost kimi yanaşar, amma sərbəstlik və azadlıq istəyər. Sərhəd tanımağı sevməz, bəzən özünə qapanar.

Oğlaq qaynana tipi: Ciddi, məsuliyyətli, ənənəçi Oğlaq qaynana qaydalara və ailə şərəfinə önəm verər. Gəlinin məsuliyyətli və ağıllı olmasını istəyər. Onun hörmətini qazanmaq asan deyil, amma bir dəfə qazandınsa, həmişə sənin yanındadır.  

Dolça qaynana tipi: Müasir, azad düşüncəli, qəribə Dolça qaynana ilə söhbətlər çox fərqli ola bilər. O, yeni fikirlərə açıqdır, amma öz qaydaları ilə yaşamağı sevir. Müasir qaynana modelidir.

Balıqlar qaynana tipi: Hissiyatlı, romantik, kövrək Balıqlar qaynana hisslərini çox yaşayır. Gəlin-görümçin münasibətlərini romantik şəkildə düşünə bilər. Tez inciyər, amma tez də barışar.