Şahmar Mövsümov: "Sinovac"ın qəbul edilməməsi yanlış məlumatdır" - VİDEO

"Bildiyiniz kimi, bir çox ölkələrdə vaksin sertifikatları tətbiq edilir və onların qəbul edilməsi məsələsi həmişə gündəmdədir. Buna görə də xüsusi işçi qrupu yaradılıb. O işçi qrup vasitəsilə qarşılıqlı tanınma prosesi aparılır. Sinovacın qəbul edilməməsi yanlış məlumatdır. Çünki Azərbaycanda tətbiq olunan "Sinovac" vaksini Avropanın əsas akreditasiya və sertifikasiya həyat keçirən qurum tərəfindən qəbul edilib".

BAKU.WS xəbər verir ki, bunu Prezidentin köməkçisi – Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov Nazirlər Kabineti yanında Operativ Qərargahın bu gün keçirilən brifinqində "Sinovac" vaksininin bəzi ölkələrdə tanınmaması ilə bağlı ünvanlanan suala cavab verərkən deyib.