Pandemiya beyin yaşlanmasını sürətləndirib

COVID-19 pandemiyası dövründə insanların beyinləri əvvəlki illərlə müqayisədə daha tez yaşlanıb.

BAKU.WS trt haber-ə istinadən xəbər verir ki, Böyük Britaniyada aparılan araşdırmaya görə, pandemiya zamanı beyin yaşlanması orta hesabla 5,5 ay sürətlənib.

Bu dəyişiklik virus keçirməyən insanlarda da müşahidə olunub.

Mütəxəssislər bunu əsasən sosial təcrid, qeyri-müəyyənlik və psixoloji gərginliklə əlaqələndirirlər. Araşdırmada yaşlılar, kişilər və sosial-iqtisadi cəhətdən daha zəif qrupların daha həssas olduğu ortaya çıxıb.

Alimlər bu dəyişikliklərin daimi olmadığını, zamanla geri dönə biləcəyini də istisna etmirlər. Onların sözlərinə görə, beyin sağlamlığı yalnız xəstəliklərdən deyil, gündəlik həyat şəraitindən də təsirlənir.