Öz hesablarına kanalizasiya xətti çəkdirdilər: Sakinləri təngə gətirən məsələ

Binəqədi rayonunun Biləcəri qəsəbəsi, Məlik Aslanov küçəsi, 2-ci döngədə asfalt örtüyünün olmaması sakinlər üçün ciddi problem yaradır.

Sakinlərin sözlərinə görə, bununla bağlı Binəqədi Rayon İcra Hakimiyyətinə, bələdiyyəyə və aidiyyəti qurumlara dəfələrlə müraciət ediblər. Onlara küçənin siyahıya alınması prosesinin yekunlaşmaq üzrə olduğu və yaxın zamanda asfaltlanacağı bildirilib.

Sakinlər qeyd edirlər ki, küçədə kanalizasiya xəttini də öz hesablarına çəkdiriblər. Lakin yağıntılı havalarda bu sistem suyu tam çəkə bilmir və ərazidə böyük su gölməçələri yaranır.

Bundan başqa, yaxınlıqdakı su xəttində yaranan nasazlıq səbəbindən içməli suyun da küçəyə axdığı bildirilir.