Nazir özünə yeni müşavir təyin etdi

Kənd təsərrüfatı naziri Məcnun Məmmədov özünə yeni müşavir təyin edib.

BAKU.WS İqtisadiyyat.az-a istinadən xəbər verir ki, nazir bununla bağlı müvafiq Əmr imzalayıb.

Əmrə əsasən, Ramil Əzməmmədov nazirin müşaviri vəzifəsinə təyin olunub.

Qeyd edək ki, R.Əzməmmədov eyni zamanda bu ilin may ayından Aqrar Sığorta Fondunun Apellyasiya Şurasının sədridir. Həmçinin Azərbaycan Tingçilər Assosiyasının İdarə Heyətinin sədri, Azərbaycan Meyvə-Tərəvəz İstehsalçıları və İxracatçıları Assosiasiyasının İdarə Heyətinin üzvüdür.

R.Əzməmmədov həm də "Grand-Agro İnvitro" MMC-nin rəhbəridir.