Moskvada tramvay minik avtomobilini relsin üzərində sürüdü – ANBAAN VİDEO

Rusiyanın paytaxtı Moskvada tramvay onun yoluna çıxan minik avtomobilini relsin üzərində sürüyərək tamamilə yararsız hala salıb.

Hadisə şahidlərinin sözlərinə görə, yoldan keçən insanlar köməkləşərək avtomobilin salonunda olan şəxsləri oradan çıxara biliblər.

İlkin məlumata görə, qəza nəticəsində minik avtomobilinin sürücüsü və bir nəfər sərnişin xəsarət alıb. Onlar xəstəxanaya yerləşdirilib.

Tramvayda olan sərnişinlər arasında heç kim xəsarət almayıb.