Merkelin koronavirus testinin nəticəsi məlum oldu

Almaniya kansleri Angela Merkel COVID-19-a yoluxma ilə bağlı analiz verib.

BAKU.WS xəbər verir ki, bu barədə Almaniya hökumətinin mətbuat katibi Steffen Seibert məlumat verib.

Onun sözlərinə görə, kanslerin verdiyi analizlərin cavabı mənfi çıxıb.

Steffen Seibert əlavə edib ki, Angela Merkel vücudunda virusun olub-olmamasını müəyyənləşdirmək üçün yaxın günlərdə yenidən müayinədən keçəcək.

Buna qədər bildirilirdi ki, Merkelin həkimi koronavirusa yoluxduğu üçün kansler də ev karantininə göndərilib.