Məktəbəqədər təhsildən kənarda qalan uşaqlar üçün hansı tədbirlər görülür? - AÇIQLAMA

Ölkə üzrə məktəbəqədər yaşlı uşaqlar məktəbəqədər təhsilə, əsasən, dövlət və özəl məktəbəqədər təhsil müəssisələrində, həmçinin, ümumi təhsil müəssisələrində fəaliyyət göstərən məktəbəhazırlıq qruplarında cəlb olunub.

BAKU.WS xəbər verir ki, bu barədə Elm və Təhsil Nazirliyindən trend-in sorğusuna cavab olaraq bildirilib.

Qeyd olunub ki, bu və ya digər səbəblərdən həmin təhsil müəssisələrinə cəlb olunmayanlara alternativ məktəbəqədər təhsil modelləri olan icma əsaslı və ailə tipli məktəbəqədər təlim qruplarında iştirak təklif olunur.

Əlavə edilib ki, eləcə də, dövlət-özəl tərəfdaşlıq modelindən faydalanmaqla özəl məktəbəqədər təhsil müəssisələrində güzəştli şərtlərlə iştirak üçün də şərait yaradılır.