İki doza vaksin vurduran şəxs koronavirusu niyə ağır keçirir? - AÇIQLAMA

Sosial şəbəkədə gedən müzakirələr zamanı koronavirus əleyhinə istifadə olunan peyvəndlərlə bağlı müxtəlif fikirlər səsləndirilir.

BAKU.WS xəbər verir ki, bir qrup şəxs iki doza vaksin vurulmasına baxmayaraq koronavirusu ağır keçirən şəxslərə rast gəlindiyini bildiriblər.

Bu iddiaların nə qədər doğru olmasını və iki doza vaksin vurduran şəxsin hansı səbəbdən xəstəliyi ağır keçirməsinin səbəbləri barədə Nazirlər Kabineti yanında Operativ Qərargahın üzvü, Milli Məclisin Səhiyyə komitəsinin sədr müavini Rəşad Mahmudov danışıb.

Deputat İTV-yə açıqlamasında deyib ki, xəstəxanalarda süni nəfəs aparatına qoşulan xəstələrdən 95 faizi peyvənd vurdurmamış şəxslərdir. O əlavə edib ki, xəstəlikdən sağalanlar və həyatını itirənlər arasında da 99 faizə yaxın fərq var.