Azərbaycanca 
По-русски 
English 
Haqqımızda
Goranboyda sel suları fəsadlar törədib, zərər hesablanır - FOTO
Yeniliklərdən dərhal xəbərdar olun
Goranboy rayonunun Börü, Gürzallar kəndlərində, Aşağı və Yuxarı Ağcakənd qəsəbələrində dağlardan axıb gələn sel sularının yaratdığı fəsadların aradan qaldırılması istiqamətində işlər aparılır.
"Report"un Qərb bürosunun məlumatına görə, leysan yağışlardan sonra Aşağı Ağcakənd qəsəbəsində və yaxın kəndlərdə sel, yağış suları həyətyanı sahələrə, evlərin zirzəmilərinə dolub, əkin sahələrinə zərər dəyib. Sel suları həyətlərdəki su nasoslarını sıradan çıxarıb, bəzi evlərin qapı və divarlarına zərər yetirib.
Goranboy Rayon İcra Hakimiyyətindən "Report"un Qərb bürosuna bildirilib ki, selin yaratdığı fəsadların aradan qaldırılması üçün Fövqəladə Hallar Komissiyasının üzvləri həmin yaşayış məntəqələrində olublar, dəymiş ziyanın miqdarının hesablanmasına başlanılıb.
Qeyd edək ki, güclü yağışlardan sonra hazırda Goranboy rayonu ərazisindən axan Gorançay və Qaraçay çaylarında bolsululuq müşahidə olunur.
Qalereya
Oxşar xəbərlər
Bakıda bu ərazilərdə avtomobillərin parklanması pulsuz olacaq
Bakı şəhəri üzrə zonalar parklanma qiymətləri açıqlanıb. BAKU.WS APA-ya istinadən xəbər verir ki, bu, Nazirlər Kabinetinin bu gün təsdiqlədiyi “Nəqliyyat vasitə...
