Gilas niyə ucuzlaşmır?

Mövsümü olmasına baxmayaraq, gilas bazarda hələ də ucuzlaşmır.

Hazırda gilas bazarlarda minimum 10-12 manatdan alıcılara təklif olunur.

Satıcılar isə qiymətin baha olmasını məhsulun bu il az olması ilə əlaqələndirirlər.

Ekspertlər isə deyirlər ki, bu ilin yaz fəslində yağıntının çox olması gilasın məhsuldarlığını xeyli aşağı salıb. Bundan başqa, logistika və ixrac tələbi də qiymətlərə təsirsiz ötüşməyib.

Hesab edilir ki, əgər hava şəraiti sabitləşərsə, iyun ayından etibarən gilasın qiymətlərində nisbətən sabitləşmə müşahidə edilə bilər.