Əməkdar artist: Əgər mənə nəsə olarsa, bu, təsadüfi deyil

Əməkdar artist, aktrisa Mehriban Xanlarova sosial şəbəkə hesabında diqqət çəkən paylaşım edib.

BAKU.WS xəbər verir ki, o, paylaşımında son günlər şəxsi təhlükəsizliyi ilə bağlı narahatlıq keçirdiyini bildirib.

Xanlarova açıqlamasında qeyd edib ki, sağlamlığına, həyat təhlükəsizliyinə və ümumilikdə şəxsi toxunulmazlığına qarşı yönələ biləcək hər hansı təhdid, hücum və ya qəfil baş verə biləcək hadisənin məsuliyyətini konkret şəxslərlə əlaqələndirir.

Aktrisa iddia edir ki, belə bir hal baş verərsə, bunun hüquqi və mənəvi məsuliyyəti Fərəh Əliyeva və onun komandasının üzərində olacaq.

Əməkdar artist əlavə edib ki, əgər ona nəsə olarsa, bunun "təsadüf olmayacağını" əvvəldən bildirir.

Mehriban Xanlarovanın paylaşımı sosial şəbəkələrdə geniş müzakirələrə səbəb olub.