Bu qidalar böyrəkdə daşlar yaradır - SİYAHI

Böyrək daşlarının yaranmasına səbəb olacaq sadəcə bir qida yoxdur. Lakin bəzi qidalar böyrəkdə daşların yaranma riskini artıra və ya mövcud meyli gücləndirə bilər. Daşın növündən asılı olaraq da bu risk fərqli olur. Bəzi qidalar var ki, onlar rasiyonumuzda çox yer tutur və bəzən də böyrəkdə daşların yaranmasına səbəb olur.

BAKU.WS xarici KİV-ə istinadən risk yaradan qidaların adlarını təqdim edir:

Duzla çox zəngin qidalar

Çox duz sidiklə kalsium ifrazını artırır, kalsium daşlarını yaradır. Paketlənmiş qidalar, cips, çərəz, sosiska, kolbasa, konservlər, pendirlər (xüsusilə duzlu pendir) böyrəkdə daş əmələ gətirir.

Oksalatla zəngin qidalar (kalsium-oksalat daşı üçün)

İspanaq, çuğundur, qara çay (çox içildikdə), qəhvə, şokolad, kakao, qoz-fındıq, kəpəkli taxıllar böyrəkdə daşlar əmələ gətirir.

Bu qidaları tamamilə qadağan etmək lazım deyil, amma çox miqdarda qəbul etmək riski artırır. Onları kalsiumla birlikdə yemək oksalatın udulmasını azaldır.

Bəzi ət məhsulları

Sidik turşusunu artırır, urat daşları yarada bilər. Qırmızı ət, heyvanın daxili orqan ətləri (qaraciyər, böyrək, ürək və s.), dəniz məhsulları (xüsusən sardina, ançous, skumbriya) toyuq və yumurta çox miqdarda qəbul edildikdə böyrəkdə daş yaranmasına səbəb olur.

Şirin və şəkərli məhsullar

Qazlı içkilər (xüsusilə kola tipli içkilər, fosfor turşusu ehtiva edir) şirniyyatlar da böyrəkdə daş yaradn amillərdəndir.

Kalsium əlavələrinin həddindən artıq qəbulu

Qida ilə alınan kalsium adətən təhlükəsizdir; problem əsasən tabletlərlə çox kalsium qəbulundan yaranır.

Az su içmək

Bu, ən böyük risk faktorudur. Sidik konsentrasiyası artır, bütün növ daş riskini yüksəldir.

Gündə 2-2.5 litr su içmək və duz qəbulunu azaltmaqla bunun qarşısını qismən almaq olar.

Oksalatlı qidaları həddindən artıq yeməmək və gazlı içkilərdən uzaq durmaq, meyvə-tərəvəz balansını artırmaqla da böyrəkdə daş yaranmasının qarşısını almaq olar.