Elm və təhsil naziri: "Bəzi məktəblərin rus bölməsində şagirdlərin Azərbaycan dili bilikləri yetərli deyil"

"Bəzi məktəblərin rus bölməsində təhsil alan yuxarı sinif şagirdləri arasında Azərbaycan dili bilikləri yetərli deyil".

BAKU.WS xəbər verir ki, bu sözləri elm və təhsil naziri Emin Əmrullayev keçirdiyi bu gün keçirilən brifinqdə deyib.

Nazir qeyd edib ki, məsələ ilə əlaqəli məktəblərdə monitorinqlərin aparılması nəzərdə tutulur: "Ölkədə Azərbaycan dili rəsmi dövlət dilidir və bunu hamı bilməlidir. Bu il nəzarət tədbirləri daha da artacaq və məktəb rəhbərlərinə təlimatlar da veriləcək".