DYP ali məktəblərdə maarifləndirmə tədbirlərinə başlayıb - FOTO

Bakı Şəhər Dövlət Yol Polisi İdarəsi ali məktəblərdə yol hərəkəti təhlükəsizliyi qaydaları, eləcə də təhlükəsizlik mədəniyyətinin gənc nəsildə düzgün şəkildə formalaşdırılması məqsədilə tədbirlərə başlayıb.

BAKU.WS-in məlumatına görə, idarənin inspektoru, polis baş leytenantı Pərvanə Muradova "Report"a bildirib ki, ilk belə tədbir Azərbaycan Memarlıq və İnşaat Universitetində baş tutub.

Onun sözlərinə görə, yol-nəqliyyat hadisələri təhlil olunduqda, 17-29 yaş qrupuna daxil olan gənclərin hadisə qurbanları içərisində sayı çoxluq təşkil edir:

"Hər bir gəncin yüksək bilik və bacarıqlarının formalaşdırılması ilə yanaşı, nizam-intizamlı olması, xüsusən də yol hərəkəti qaydalarına ciddi əməl etməsi cəmiyyətimizin inkişafı üçün olduqca əhəmiyyətlidir".

Belə tədbirlərin ilin sonunadək Bakı şəhərində bütün ali məktəblərdə keçirilməsi nəzərdə tutulur.

Qalereya