Düşmən su anbarının qarşısını kəsdi - 3 kəndin suvarılması çətinləşdi - FOTO

Ermənistan tərəfi Qazax rayonunun düşmənlə sərhəddə yerləşən Kəmərli kəndində gələn suyun qarşısını kəsib. Nəticədə bu gün kəndin su ilə təminatı istiqamətində ciddi problemlər yaşanır.

BAKU.WS-in bölgə müxbirinin verdiyi məlumata əsasən əhali sudan edə bilmir, əkin sahələrinin suvarılmasında ciddi problemlər yaşanır.

Kəmərli kəndi ərazisində yerləşən bu su anbarı ötən əsrin 80-ci illərində inşa edilib. Düşmən tərəfdən mənbəyini götürən İncə su çayı bu anbara tökülür.

Nəticədə ora yığılan sudan Kəmərli kəndi ilə yanaşı İncə dərəsinin digər kəndlərinin - Qaymaqlı və Aslanbəyli kəndinin sakinləri də istifadə edirdi.

Görünən odur ki, anbarda su yoxdur. Sakinlər deyir ki ermənilər bilərəkdən bura gələn İncəsu çayının qarşısını kəsib. Bir sözlə, indi düşmən hər vəclə çayın Azərbaycan ərazisinə keçməsinə manecilik törədir.

Qazax Suvarma Sistemləri İdarəsindən bildirilib ki, məsələnin həlli ancaq Kür çayından yenidən, yeni nasosstansiyanın qurulması ilə mümkün olar.

Bunun ücün isə aidiatlı qurumlara müraciətlər olunub.

Qalereya