Diri Baba türbəsini 9 ayda 28 mindən çox turist ziyarət edib

Qobustandakı "Diri Baba" türbəsini bu ilin yanvar-sentyabr aylarında 28 215 turist ziyarət edib.

BAKU.WS-in məlumatına görə, bunu abidə kompleksinin direktoru Yusif Məmmədov açıqlayıb.

Onun sözlərinə görə, ziyarətçilərin 12 175-i xarici, 16 040-ı isə yerli turistlər olub. Türbəyə ABŞ, Yaponiya, Rusiya, Avropa ölkələri və Madaqaskardan da turistlər gəlib.

Hazırda ərazidə arxeoloji qazıntı, konservasiya və restavrasiya işləri aparılır.

Direktor bildirib ki, 2022-ci ildə aparılan qazıntılar zamanı XVI əsrdə yaşamış şeyxə aid olduğu müəyyən edilən skelet aşkarlanıb. Həmin məzarın üzərində də türbə və müvafiq infrastruktur yaradılması nəzərdə tutulur.

Qalereya